ദി ഗോൾഡൻ സ്‌പൈസ് : രക്തത്തിലെ പഞ്ചസാരയെ സ്വാഭാവികമായി നിയന്ത്രിക്കാൻ ഉളള ഉലുവയുടെ അത്ഭുതശക്തി

നിങ്ങളുടെ അടുക്കളയിലെ ഏറ്റവും ലളിതവും പഴയതുമായ ഒരു ചേരുവ, രക്തത്തിലെ പഞ്ചസാരയെ സ്വാഭാവികമായി ബാലൻസ് ചെയ്യാനുള്ള രഹസ്യം വഹിക്കുന്നുണ്ടെന്ന് നിങ്ങളറിയുമോ?

നമ്മുടെ സ്പൈസ് റാക്കിൽ ഒളിഞ്ഞിരിക്കുന്ന ആ “രഹസ്യായുധം”

പഴക്കം ചെന്ന ഒരു മസാല, പക്ഷേ അതിന്റെ ഗുണങ്ങൾ ഇന്നും അത്ഭുതപ്പെടുത്തുന്നതാണ്. രക്തത്തിലെ പഞ്ചസാര നിയന്ത്രണം, ഹൃദയാരോഗ്യം, മെറ്റബോളിസം ഇത് എല്ലാം മെച്ചപ്പെടുത്താൻ ഈ ഉലുവക് കഴിയും.

ശാസ്ത്രീയമായി Trigonella foenum-graecum എന്ന് പറയുന്ന ഉലുവയ്ക്ക് സ്വൽപം കയ്പുള്ള രുചിയുണ്ടെങ്കിലും, അതിന്റെ ഗുണങ്ങൾ അതിശയകരമാണ്. ആയുർവേദത്തിലും പഴയ ചികിത്സാരീതികളിലും ഇതിന് ഇപ്പോഴും പ്രത്യേക സ്ഥാനം ഉണ്ട് . ഇപ്പോൾ, നാം “നാചുറൽ വെൽനെസ്” നെക്കുറിച്ച് കൂടുതൽ ശ്രദ്ധിക്കുന്നത് കൊണ്ടാണ് ഉലുവ വീണ്ടും ചർച്ചയാകുന്നത്.

ഇന്ന് പല പഠനങ്ങളും കാണിക്കുന്നത്, ഉലുവയുടെ വിത്തും അതിൽ നിന്നുള്ള എക്സ്ട്രാക്ടുകളും രക്തത്തിലെ പഞ്ചസാരയുടെ നില നിയന്ത്രിക്കാൻ വളരെ ഫലപ്രദമാണെന്ന് തന്നെയാണ്. അതായത്, നമ്മുടെ അടുക്കളയിൽ ഒളിഞ്ഞിരിക്കുന്ന ഈ ചെറു വിത്ത് തന്നെ, ആരോഗ്യകരമായ ജീവിതത്തിനുള്ള സ്വാഭാവിക മാർഗമായി മാറിയിരിക്കുന്നു.

ഉലുവ തന്റെ മായാജാലം കാണിക്കുന്നത് എങ്നെ?

ഉലുവ രക്തത്തിലെ പഞ്ചസാര നിയന്ത്രണത്തിന് അത്ര ഫലപ്രദമാകാനുള്ള പ്രധാന കാരണം അതിന്റെ അതുല്യമായ ഘടനയിലാണ് പ്രത്യേകിച്ച് അതിലെ ഫൈബറും ചില പ്രത്യേക സസ്യ രാസഘടകങ്ങളും (phytochemicals).

• ഗലാക്ടോമാനൻ എന്ന ജെൽപോലുള്ള ഫൈബറിന്റെ ശക്തി

ഉലുവയിലെ ഏകദേശം 50% ഭാഗം ഫൈബറാണ്, അതിൽ പ്രധാനപ്പെട്ടത് ഗലാക്ടോമാനൻ എന്ന ജലത്തിൽ ലയിക്കുന്ന ഫൈബർ. ഈ ഫൈബർ ആമാശയത്തിൽ ഒരു ജെൽപോലെ പ്രവർത്തിക്കുന്നു, അതിനാൽ ഭക്ഷണത്തിലെ കാർബോഹൈഡ്രേറ്റുകൾ വളരെ പതുക്കെ മാത്രമേ ദഹനത്തിലേക്ക് കടക്കൂ. ഇതോടെ രക്തത്തിലെ പഞ്ചസാര പെട്ടെന്നു ഉയരുന്നത് തടയപ്പെടുകയും, ശരീരത്തിന് പഞ്ചസാര നിയന്ത്രിക്കാൻ കൂടുതൽ സമയം ലഭിക്കുകയും ചെയ്യും. ഇത് ഇൻസുലിൻ സെൻസിറ്റിവിറ്റിയും മെച്ചപ്പെടുത്തും. അതിനാൽ തന്നെ ഇത് ടൈപ്പ് 1, ടൈപ്പ് 2 ഡയബിറ്റീസ് രോഗികൾക്ക് വളരെ ഗുണം ചെയ്യുന്നു.

• ട്രിഗൊനെല്ലിൻ – പ്രമേഹവിരുദ്ധ ഘടകം

ഉലുവയിൽ “ട്രിഗൊനെല്ലിൻ” എന്ന ആൽക്കലോയ്ഡ് അടങ്ങിയിട്ടുണ്ട്. ഈ ഘടകം ഇൻസുലിൻ സിഗ്നലിംഗ് മെച്ചപ്പെടുത്താനും, കോശങ്ങളിൽ ഉണ്ടാകുന്ന ഓക്സിഡേറ്റീവ് സ്ട്രെസ് കുറയ്ക്കാനും സഹായിക്കുന്നു. അതുകൊണ്ട് തന്നെ ഇത് പ്രമേഹവുമായി ബന്ധപ്പെട്ട സെല്ലുലാർ നാശം കുറയ്ക്കുന്നതിൽ പ്രധാന പങ്ക് വഹിക്കുന്നു..

• ഉയർന്ന ഫൈബർ 

ഉലുവയിലെ മൊത്തം ഫൈബർ ഉള്ളടക്കം തന്നെ അതിന്റെ മറ്റൊരു ശക്തിയാണ് (ഏകദേശം 20% ജലത്തിൽ ലയിക്കുന്നതും 30% ലയിക്കാത്തതും). ഇത് ആമാശയത്തിലെ ഭക്ഷണത്തിന്റെ നീക്കം വൈകിപ്പിക്കുകയും , അന്ത്യാശയത്തിലെ ഗുണബാക്ടീരിയയുടെ നില മെച്ചപ്പെടുത്തുകയും ചെയ്യുന്നു. ഇതോടെ രക്തത്തിലെ ഗ്ലൂക്കോസ് നിയന്ത്രണം കൂടുതൽ സുതാര്യമാകുകയും, പ്രമേഹവുമായി ബന്ധപ്പെട്ട ലക്ഷണങ്ങൾ (ഉദാ: മൂത്രത്തിൽ പഞ്ചസാര ഉണ്ടാകുന്നത്) കുറയുകയും ചെയ്യുന്നു.

ചുരുക്കത്തിൽ പറഞ്ഞാൽ ഈ ഉലുവ നമ്മുടെ ശരീരത്തിലെ പഞ്ചസാരയെ നിയന്ത്രിച്ച്, അകത്തുനിന്ന് ആരോഗ്യം പുനഃസ്ഥാപിക്കുന്ന ഒരു “നാച്ചുറൽ സൂപ്പർഹീറോ” തന്നെയാണ്.

രക്തത്തിലെ പഞ്ചസാര നിയന്ത്രണത്തിന് അപ്പുറം : ഉലുവയുടെ ഒട്ടേറെ ആരോഗ്യഗുണങ്ങൾ

ഉലുവ വെറും ഒരു മസാലമാത്രമല്ല അത് പോഷകസമൃദ്ധമായ ഒരു ഔഷധവിഭവം തന്നെ ആണ് .അമിനോ ആസിഡുകൾ, സപ്പോണിനുകൾ, ആന്റി-ഓക്സിഡന്റുകൾ എന്നിവയാൽ സമ്പന്നമായ ഉലുവ ശരീരത്തിന് പലവിധ ഗുണങ്ങൾ നൽകുന്നു.

• ഹൃദയരോഗവും കൊളസ്‌റ്ററോളും

ഉലുവയിലെ ജലത്തിൽ ലയിക്കുന്ന ഫൈബർ ആമാശയത്തിൽ ഒരു സ്വാഭാവിക “ബൈൻഡർ” ആയി പ്രവർത്തിക്കുന്നു. ഈ ഫൈബർ ബൈലിൽ നിന്നുള്ള കൊളസ്ട്രോളിനൊപ്പം ചേരുകയും, അത് രക്തത്തിലേക്ക് ആഗിരണം ചെയ്യുന്നത് തടയുകയും ചെയ്യുന്നു. ഇതിലൂടെ മൊത്തത്തിലുള്ള കൊളസ്ട്രോൾയും “ചീത്ത കൊളസ്ട്രോൾ” ആയ LDL നും കുറവുണ്ടാക്കാം. അതുപോലെ, ഉലുവയിലെ സപ്പോണിനുകൾ കൊളസ്ട്രോൾ ആഗിരണം തടഞ്ഞ് ഹൃദയരോഗത്തിൽ നിന്ന് കൂടുതൽ സംരക്ഷിക്കുന്നു.

• ഭാരനിയന്ത്രണത്തിനും വിശപ്പിനെ നിയന്ത്രിക്കാനും

ഉലുവ ശരീരഭാരം നിയന്ത്രിക്കാൻ സഹായിക്കുന്നു . ഇതിന്റെ ഘടകങ്ങൾ വിശപ്പിനുള്ള സിഗ്നലുകൾ കുറയ്ക്കുകയും, വയറു നിറഞ്ഞതായുള്ള തോന്നൽ (satiety) വർധിപ്പിക്കുകയും ചെയ്യുന്നു. അതിനാൽ, അധികം ഭക്ഷണം കഴിക്കുന്നത് സ്വാഭാവികമായി കുറയും. കൂടാതെ, ഉലുവ ശരീരത്തിലെ “താപോൽപ്പാദന പ്രക്രിയ” (thermogenesis) വർധിപ്പിച്ച് കൂടുതൽ കലോറി കത്തിക്കാൻ സഹായിക്കുന്നു.

• ആന്റി-ഓക്സിഡന്റ് & ആന്റി-ഇൻഫ്ലമേറ്ററി സംരക്ഷണം

ഉലുവയിൽ അടങ്ങിയിരിക്കുന്ന പോളിഫീനോളുകളും ഫ്ലേവനോയ്ഡുകളും ശക്തമായ ആന്റി-ഓക്സിഡന്റുകളാണ്. ഇവ ശരീരത്തിലെ കോശങ്ങളെ ഓക്സിഡേറ്റീവ് സ്ട്രെസ്സിൽ നിന്ന് സംരക്ഷിക്കുകയും പൂർത്തിയാകുന്നതിന് മുൻപ് സെല്ലുകൾ നശിക്കുന്നത് തടയുകയും ചെയ്യുന്നു. അതുപോലെ, ഉലുവയിൽ ഉള്ള ആന്റി-ഇൻഫ്ലമേറ്ററി ഗുണങ്ങൾ മൂലം അത് ആർത്രൈറ്റിസ് പോലെയുള്ള അണുബാധാസംബന്ധമായ രോഗങ്ങളിലും ചില ശ്വാസകോശപ്രശ്നങ്ങളിലും പരമ്പരാഗതമായി ഉപയോഗിച്ചിരുന്നു.

• ഹോർമോൺ ബാലൻസ് & ദഹനാരോഗ്യം മെച്ചപ്പെടുത്തൽ

ഉലുവ ഹോർമോൺ നിലകൾ ശരിയായി നിലനിർത്താൻ സഹായിക്കുന്നതായി പഠനങ്ങൾ കാണിക്കുന്നു. അതിനാൽ, മെനോപ്പോസ്, PCOS തുടങ്ങിയ ഹോർമോൺ അസന്തുലിതാവസ്ഥയുള്ള അവസ്ഥകളിൽ ലക്ഷണങ്ങൾ കുറയ്ക്കാൻ ഇത് സഹായകമാണ്. കൂടാതെ, അതിലെ ഗലാക്ടോമാനൻ ഫൈബർ ദഹനപ്രക്രിയ സുതാര്യമാക്കുകയും കുടലിന്റെ പ്രവർത്തനം മെച്ചപ്പെടുത്തുകയും ചെയ്യുന്നു

ഉലുവയെ നിങ്ങളുടെ ഭക്ഷണത്തിൽ ഉൾപ്പെടുത്താം എങ്ങനെ?

ഉലുവ ഒരു അത്ഭുതകരമായ സ്വാഭാവിക ഔഷധമാണ്, പക്ഷേ അതിന്റെ ഉപയോഗം ശ്രദ്ധയോടെ ആയിരിക്കണം. ശരിയായ അളവിൽ, ശരിയായ രീതിയിൽ ഉപയോഗിച്ചാൽ അതിന്റെ ഗുണങ്ങൾ പരമാവധി ലഭിക്കും.

ശുപാർശ ചെയ്യുന്ന അളവ്:

രക്തത്തിലെ പഞ്ചസാര നിയന്ത്രിക്കാൻ ഉലുവ ഉപയോഗിക്കുന്നവർക്ക് സാധാരണയായി ദിവസവും 25–50 ഗ്രാം വിത്തുകൾ മതിയാകും.

ഉപയോഗിക്കുന്ന ചില എളുപ്പ മാർഗങ്ങൾ:

• നനച്ച ഉലുവവിത്തുകൾ: ഒരു ടീസ്പൂൺ ഉലുവ വിത്ത് രാത്രി വെള്ളത്തിൽ നനച്ച് വെച്ച്, രാവിലെ അതേ വെള്ളം കൂടെ കുടിക്കുക. ഇതാണ് ഏറ്റവും ലളിതവും ഫലപ്രദവുമായ മാർഗം.

• മുളപ്പിച്ച ഉലുവവിത്തുകൾ: ഉലുവ വിത്ത് കുറച്ച് മണിക്കൂർ മുളപ്പിക്കാൻ വെച്ചാൽ അതിന്റെ കയ്പ്പ് കുറയും, അങ്ങനെ കഴിക്കാനും എളുപ്പമാകും.

• എക്സ്ട്രാക്റ്റ്‌സ്‌ അല്ലെങ്കിൽ സപ്ലിമെന്റുകൾ: കയ്പ്പ് രുചി ഇഷ്ടമില്ലാത്തവർക്ക് മാർക്കറ്റിൽ ലഭ്യമായ ഉലുവ എക്സ്ട്രാക്റ്റ്‌സ്‌ അല്ലെങ്കിൽ ക്യാപ്സ്യൂളുകൾ മികച്ചതാണ്. ഇതിൽ ഗലാക്ടോമാനൻ, ട്രിഗൊനെല്ലിൻ പോലുള്ള ആക്ടീവ് ഘടകങ്ങൾ കൂടുതൽ കേന്ദ്രീകൃത അളവിൽ ലഭിക്കും.

പഴയകാലം മുതൽ ഉപയോഗിച്ചുവരുന്ന ഈ “സ്വർണ്ണവിത്ത്” , ഉലുവ , ഇന്ന് നമുക്ക് ഏറ്റവും ആവശ്യമുള്ള ആധുനിക ആരോഗ്യപരിഹാരങ്ങൾ നൽകുന്നു. രക്തത്തിലെ പഞ്ചസാര നിയന്ത്രണം, കൊളസ്ട്രോൾ കുറയിക്കൽ, ഭാരനിയന്ത്രണം എല്ലാം സ്വാഭാവികമായിട്ടാണ് ഉലുവയിലൂടെ സാധിക്കുന്നത്..

അതുകൊണ്ട്, ആരോഗ്യം എന്നത് അത്രയൊന്നും സങ്കീർണ്ണമല്ല. ചിലപ്പോൾ അതിന്റെ മറുപടി നമ്മുടെ അടുക്കളയിലായിരിക്കും ഒരു ചെറിയ ഉലുവവിത്തിൽ തന്നെ.

മുന്നറിയിപ്പ്:

നിങ്ങൾ പ്രമേഹം പോലുള്ള ക്രോണിക് രോഗങ്ങൾ നിയന്ത്രിക്കുന്നവർ ആണെങ്കിൽ, അല്ലെങ്കിൽ പുതിയ സപ്ലിമെന്റുകൾ ആരംഭിക്കാൻ ആഗ്രഹിക്കുന്നുവെങ്കിൽ, ഡോക്ടറുടെ ഉപദേശം തേടുന്നത് അത്യാവശ്യമാണ്.

അറിവോടെ ഉപയോഗിച്ചാൽ ഉലുവ നിങ്ങളുടെ ആരോഗ്യം പുതുക്കുന്ന സൂപ്പർ ഫുഡ് ആയിരിക്കും !

References

• Kim, J., Noh, W., Kim, A., Choi, Y., & Kim, Y. S. (2023). The Effect of Fenugreek in Type 2 Diabetes and Prediabetes: A Systematic Review and Meta-Analysis of Randomized Controlled Trials. International journal of molecular sciences, 24(18), 13999. https://doi.org/10.3390/ijms241813999

  
  

• Faisal, Z., Irfan, R., Akram, N., Manzoor, H. M. I., Aabdi, M. A., Anwar, M. J., Khawar, S., Saif, A., Shah, Y. A., Afzaal, M., & Desta, D. T. (2024). The multifaceted potential of fenugreek seeds: From health benefits to food and nanotechnology applications. Food science & nutrition, 12(4), 2294–2310. https://doi.org/10.1002/fsn3.3959